योजनाहरु

सिटिजन वार्षिक अग्रिम भुक्तानी बीमा योजना

ग्राहकवर्गहरुको सुरक्षा र निश्चिन्तताको लागि नवीनतम योजनाहरु पस्किन सदैव अग्रसर सिटिजन लाइफ इन्स्योरेन्स कम्पनीले यही क्रमलाई निरन्तरता दिदैँ सिटिजन वार्षिक अग्रिम भुक्तानी जीवन बीमा योजना नामक नयाँ बीमा योजना प्रस्तुत गरेको छ । बीमितहरुको जोखिम बहन गर्नका साथै भावी योजनाहरुलाई सार्थक बनाउन यस बीमा योजनाद्वारा कम बीमाशुल्कमै धेरै रकम बराबरको जोखिम बहन गर्न सकिन्छ । यस बीमा योजनामा ग्राहकद्वारा एकल बीमाशुल्क भुक्तानी तरिका प्रयोग गर्दा बीमा प्रारम्भ मितिले प्रत्येक वार्षिकोत्सव मितिमा बीमाङ्कको ५ प्रतिशत रकम भुक्तानी गरिन्छ । यस विशेषताद्वारा ग्राहकहरुले वित्तीय आवश्यकताहरु पुरा गरी निर्धक्क साथ जीवनयापन गर्न र भैपरी आउने आर्थिक समस्याहरुमा सरल तरिकाबाट टेवा पुग्द्छ । यसका साथै यस योजनाले बैंक तथा वित्तीय संस्थाबाट ऋण सुविधा उपभोग गरिरहेका ग्राहकवर्ग तथा निरन्तर पैसा लगानी गरिराख्ने व्यवसायीहरुलाई समेत आफ्नो नगद प्रवाह व्यवस्थापन गर्न सहयोग गर्दछ । साथै एकल बाहेक अन्य बीमाशुल्क भुक्तानी तरिका प्रयोग गर्दा प्रत्येक वार्षिकोत्सव मितिमा भुक्तानी गरिने बीमाङ्कको ५ प्रतिशत रकम सो वर्ष भुक्तानी गर्नुपर्ने नवीकरण शुल्कमा समायोजन गर्ने व्यवस्था गरिएको छ जस्ले गर्दा ग्राहकहरुलाई जोखिम बहन गर्नका साथै बीमा योजना अनुसारको आफ्नो बीमाशुल्क भुक्तानीको भार व्यवस्थापन गर्न समेत सरल र सहज गराउँदछ ।

बीमा योजनाका विशेषताहरुः
न्यूनतम प्रवेश उमेर …………………………………………………………..:  १८ वर्ष
अधिकतम प्रवेश उमेर ……………………………………………………….: ६५ वर्ष
अधिकतम बीमा समाप्ति उमेर ……………………………………………..: ७० वर्ष
न्यूनतम बीमा अवधि ………………………………………………………….: ५ वर्ष
अधिकतम बीमा अवधि ………………………………………………………: २० वर्ष
अधिकतम बीमाङ्क रकम……………………………………………………..: बीमितको आयको आधारमा कम्पनीको जोखिमाङ्कन नीति अनुसार
बीमाशुल्क भुक्तानी तरिका…………………………………………………..: वार्षिक, अर्धवार्षिक, त्रैमासिक, एकल

बीमाङ्क रकम भुक्तानी दिइने अवस्था:

१. बीमा अवधि सम्म बीमित जीवित रहेमा यस बीमालेखको शर्तहरुको अधिनमा रही देहाय बमोजिम भुक्तानी दिइने छ ।
(क) एकल बीमाशूल्क भूक्तानी योजना अन्तर्गत बीमा प्रारम्भ मितिले प्रत्येक वार्षिकोत्सव मितिमा बीमाड्ढको छ प्रतिशत रकम भुक्तानी दिनेछ ।
(ख) एकल बाहेक अन्य बीमाशुल्क भुक्तानी तरिका प्रयोग गर्दा बीमा प्रारम्भ मितिले प्रत्येक प्रत्येक वार्षिकोत्सव मितिमा भुक्तानी गरिने बीमाङ्कको ५ प्रतिशत रकम सो वर्ष भुक्तानी गर्नुपर्ने नवीकरण शुल्कमा समायोजन गर्ने व्यवस्था गरिने छ ।
(ग) बीमा समाप्ती मितिमा बीमाड्ढ रकमबाट प्रत्येक वर्ष अग्रीम भुक्तानी भएको वा बीमाशुल्कमा समायोजन गरिएको रकम कट्टा गरी बांकी रहेको बीमान्क र नियमानुसारको बोनस रकम भुक्तानी दिइने छ ।
२. बीमा समाप्ती मिति अगावै बीमितको मृत्यु भएमा यस बीमालेखको शर्तहरुको अधिनमा रही पुरै बीमान्क तथा नियमानुसारको बोनस रकम भुक्तानी दिइनेछ ।

ऐच्छिक सुविधाहरु:
यस बीमा योजनामा थप बीमाशुल्क भुक्तानी गरी देहाय बमोजिमका ऐच्छिक सुविधाहरु पनि लिन सकिन्छ:

• दुर्घटना मृत्यु लाभ
• स्थायी पूर्ण अशक्तता लाभ
• बीमाशुल्क छुट लाभ
• मासिक आय लाभ
• घातक रोग सुरक्षा सुविधा
• काजक्रिया खर्च सुविधा

अतिरिक्त सुविधा तथा लाभहरु: 
(क) दुई वर्षको बीमाशुल्क भुक्तानी भए पश्चात बीमालेख कर्जा लिन सकिने ।
(ख) दुई वर्षको बीमाशुल्क भुक्तानी पश्चात स्वतः बीमाशुल्क ऋण सुविधा छनौट गरेको अवस्थामा कथमकदाचित बीमाशुल्क भुक्तानी नभएपनि निश्चित अवधिसम्म जोखिम बहन भईरहने ।