Media Detail 19 Oct 26

सिटिजन लाइफ इन्स्योरेन्सको नवौँ वार्षिकोत्सव: ग्राहकको विश्वास, प्रविधिमैत्री सेवा र सामाजिक उत्तरदायित्वप्रतिको प्रतिबद्धता

सिटिजन लाइफ इन्स्योरेन्स कम्पनी लिमिटेडले आफ्नो नवौँ वार्षिकोत्सव विभिन्न कार्यक्रमका साथ मनाएको छ। जीवन बीमामार्फत नेपाली नागरिक तथा तिनका परिवारको आर्थिक सुरक्षा र समृद्धिमा योगदान पुर्‍याउने उद्देश्यका साथ अघि बढिरहेको कम्पनीले यस अवसरमा रक्तदान कार्यक्रम आयोजना गर्दै सामाजिक उत्तरदायित्वप्रतिको आफ्नो प्रतिबद्धतालाई निरन्तरता दिएको छ।

स्थापनाकालदेखि नै ग्राहकको विश्वासलाई आफ्नो प्रमुख आधार मान्दै आएको सिटिजन लाइफले विगत नौ वर्षमा जीवन बीमाको पहुँच विस्तार, सेवाको गुणस्तर अभिवृद्धि तथा प्रविधिको प्रभावकारी उपयोगमार्फत आफ्नो संस्थागत यात्रालाई अगाडि बढाएको छ। कम्पनीले आगामी दिनमा पनि ग्राहककेन्द्रित सेवा, संस्थागत सुशासन, व्यावसायिक दक्षता र दिगो विकासलाई प्राथमिकतामा राख्ने प्रतिबद्धता व्यक्त गरेको छ।

यस वर्षको वार्षिकोत्सव यस्तो समयमा आएको छ, जतिबेला प्राकृतिक विपद्का कारण देशका विभिन्न स्थानमा जनधनको क्षति भएको छ र धेरै परिवारले कठिन परिस्थितिको सामना गरिरहेका छन्। यस दुःखद घडीमा कम्पनीले प्रभावित परिवारप्रति हार्दिक समवेदना व्यक्त गर्दै प्रभावित समुदायको पुनर्स्थापना, आपसी सहयोग र आशावादी भविष्य निर्माणका लागि ऐक्यबद्धता प्रकट गरेको छ।

कम्पनीले वार्षिकोत्सवको अवसरमा आयोजना गरेको रक्तदान कार्यक्रममार्फत जीवन बचाउने मानवीय कार्यमा योगदान पुर्‍याएको छ। सिटिजन लाइफले सामाजिक उत्तरदायित्वलाई केवल वार्षिकोत्सवमा सीमित नराखी आगामी दिनमा पनि आवश्यकता र प्राथमिकताका आधारमा स्वास्थ्य, शिक्षा, बीमा सचेतना तथा सामुदायिक हितका क्षेत्रमा विभिन्न सामाजिक गतिविधिहरूलाई निरन्तरता दिने जनाएको छ।

बदलिँदो समय र ग्राहकका अपेक्षालाई आत्मसात् गर्दै कम्पनीले डिजिटल प्रविधिमा आधारित सेवा, प्रक्रियाको स्वचालन, सहज बीमा सेवा तथा छिटो र प्रभावकारी दाबी भुक्तानी प्रक्रियालाई प्राथमिकता दिँदै आएको छ। प्रविधिको उपयोगबाट सेवा प्रवाहलाई सरल, पारदर्शी र पहुँचयोग्य बनाउँदै ग्राहकको समय र श्रम बचत गर्नुका साथै बीमाप्रतिको विश्वासलाई अझ सुदृढ बनाउने कम्पनीको लक्ष्य रहेको छ।

यस वर्ष कम्पनीले “Challenging but Achievable, Aggressive but Sustainable” अर्थात् चुनौतीपूर्ण भए पनि हासिल गर्न सकिने र आक्रामक भए पनि दिगो रहने सोचलाई आत्मसात् गर्दै व्यावसायिक विस्तारसँगै वित्तीय सुदृढता, सेवा सुधार र दीर्घकालीन स्थायित्वमा जोड दिएको छ।

यस अवसरमा कम्पनीका प्रमुख कार्यकारी अधिकृतले भन्नुभयो, “सिटिजन लाइफको नौ वर्षको यात्रा हाम्रा ग्राहकको विश्वास, हाम्रा सिटिजन लिडर्सको समर्पण, कर्मचारीहरूको मेहनत तथा सम्पूर्ण सरोकारवालाको साथ र सहयोगबाट सम्भव भएको हो। हामी व्यवसायिक प्रगतिलाई केवल संख्यामा मात्र सीमित नराखी ग्राहकलाई प्रदान गर्ने सुरक्षा, सेवाको गुणस्तर र समाजप्रतिको उत्तरदायित्वबाट पनि मापन गर्न चाहन्छौँ। आगामी दिनमा प्रविधिमैत्री सेवा, सहज दाबी भुक्तानी र दिगो व्यावसायिक वृद्धिमार्फत ग्राहकको विश्वासलाई अझ मजबुत बनाउँदै अघि बढ्नेछौँ।”

कम्पनीले आफ्नो प्रगतिमा निरन्तर साथ दिनुहुने सम्पूर्ण ग्राहकवर्ग, सिटिजन लिडर्स, नियामक निकाय, शेयरधनी, सञ्चालक समिति, ब्रान्ड एम्बेसडर, सञ्चारकर्मी, व्यावसायिक साझेदार, कर्मचारी तथा सम्पूर्ण शुभेच्छुकहरूप्रति हार्दिक कृतज्ञता व्यक्त गरेको छ। साथै, प्रचलित कानुन तथा नियामकीय निर्देशनहरूको पालना, संस्थागत सुशासन र जिम्मेवार व्यावसायिक अभ्यासलाई आत्मसात् गर्दै आगामी दिनमा थप प्रभावकारी जीवन बीमा सेवा प्रदान गर्ने प्रतिबद्धता दोहोर्‍याएको छ।

यसै अवसरमा कम्पनीले बडादशैँ, दीपावली, नेपाल सम्वत तथा छठ पर्वको पावन अवसरमा सम्पूर्ण नेपाली दाजुभाइ तथा दिदीबहिनीहरूमा सुख, शान्ति, सुस्वास्थ्य, समृद्धि र उत्तरोत्तर प्रगतिको हार्दिक मंगलमय शुभकामना व्यक्त गरेको छ।

21 Dec 24

रोशीका ४४७ विधार्थीहरुलाई सिटिजन लाइफद्वारा न्यानो लुगा वितरण

श्रावण १२ गते देशका विभिन्न भागमा परेको अविरल वर्षाको....

22 May 24

कृत्रिम हात उत्पादन गर्न सिटिजन लाइफद्वारा रु.४ लाख सहयोग

बिगत समयमा विज्ञान र प्रविधिको क्षेत्रले अविश्वासनीय....

26 Mar 24

सिटिजन लाइफ इन्स्योरेन्स द्वारा श्री गार्गी कन्या गुरुकुललाई रु. ३ लाख सहयोग

उचित शिक्षा एवं रहन सहन को वातावरण बनाइ विदुषी नारी तयार....

03 Jan 24

जाजरकोट भुकम्प पीडितलाई सिटिजन लाइफद्धारा राहत बितरण

जाजरकोट जिल्ला बारकोट गाउँपालिकाको रामिडाडालाई....