प्रेस विज्ञप्तीहरु

जाजरकोट जिल्ला बारकोट गाउँपालिकाको रामिडाडालाई केन्द्र बिन्दु बनाइ कार्तिक १७ गते राती गएको भुकम्पले छेद बिछेद भएको जाजरकोटको सबैभन्दा विकट बस्ती बारकोट गाउपालिकाको वडा नम्बर ४ जिरिमा, सिटिजन लाइफ इन्स्येरेन्स कम्पनीले राहत सामाग्री, न्यानो कपडा वितरण गरेको छ । बारकोट गाउपालिका ४ जिरिका भगवती माध्यामिक बिद्यालय र नौमुले प्राथमिक बिद्यालयका कुल ४७९ विद्यार्थीहरुलाई प्रतेकलाइ ज्याकेट, टोपी र हाइनेक बितरण गरेको हो ।

जाजरकोट र जुम्ला को सिमाना पर्ने हिमालको काखैमा रहेको उक्त दुइ बिद्यालयको प्राङ्गडमा पुगीकन सिटिजन लाइफ इन्स्योरेन्स कम्पनीका कर्णाली प्रदेश प्रमुख मुरली भण्डारी, जाजरकोट शाखा प्रमुख गोबिन्द बहादुर बुढा , एजेन्सी म्यानेजर पदम बहादुर बुढा र भवानी शाहिको उपस्थिति मा वडा नम्बर ४ का वडाअध्यक्ष बिष्णु बहादुर रावत ,बारेकोट गाउपालिका शिक्षा शाखा प्रतिनिधि सुरेन्द्र पुन, बिद्यालय ब्यवस्थापन समिति का अध्यक्ष गोपाल बहादुर रावत लगायको सहभागितामा उक्त राहात सामाग्री बितरण गरिएको हो ।

यसका साथै त्यहाँ बीमा सचेतना कार्यक्रम पनि संचालन गरिएको थियो । बीमा सचेतना कार्यक्रममा बोल्दै जीवन बीमा र निर्जीवन बीमा दुवैको महत्त्व बारेमा कम्पनिका कर्णाली प्रदेश प्रमुख मुरली भण्डारीले प्रशिक्षण दिएका थिए भने जीवन बीमाले प्रदान गर्ने सुरक्षाको बारेमा पदम बहादुर बुढाले आफ्नो जीवनको लामो अनुभव सुनाएका थिए ।

कार्यक्रम्मा बोल्दै वडा अध्यक्ष रावतले सुमुदायको लागि बीमा अपरिहार्य रहेको र सिटिजन लाइफले बीमाको बिकास र बिस्तारको लागि दुरदराजका बस्तिमा गरेको योगदानको लागि धन्यवाद ज्ञापन गरे ।