प्रेस विज्ञप्तीहरु

श्री एनआइएमबि एस क्यापिटल लिमिटेडको निष्काशन तथा बिक्री प्रबन्धकत्वमा श्री सिटिजन लाइफ इन्स्योरेन्स कम्पनी लिमिटेडको जारी पूँजी रु.३,७५,००,००,०००/– (अक्षरेपी तीन अर्ब पचहत्तर करोड मात्र) मध्ये ३०% अर्थात रु.१,१२,५०,००,०००/– (अक्षरेपी एक अर्ब बाह्र करोड पचास लाख) रकम बराबरको १,१२,५०,००० कित्ता मध्ये ९,०००,००० कित्ता शेयर प्रति शेयर रु.१००/- अङ्कित दरमा प्रिमियम वापत रु.१४४/- थप गरी जम्मा प्रति शेयर मूल्य रु.२४४/– को दरमा सर्वसाधारणका लागी मिति २०८०/०५/१५ गते देखि मिति २०८०/०५/१९ गतेसम्म निष्काशन तथा बिक्री खुल्ला गरिएकोमा सो अवधिभित्र प्राप्त भएको आवेदनको छानविन गरी योग्य आवेदकहरुमा सो निष्काशित शेयरहरुको मिति २०८०/०५/२८ गतेका दिन निष्काशन तथा बिक्री प्रबन्धक श्री एनआइएमबि एस क्यापिटल लिमिटेड, लाजिम्पाट, काठमाडौंमा बाँडफाँड कार्यक्रम सम्पन्न भयो ।
१,५६,०६,८२० कित्ता खरिदका लागि १४,१३,१५८ जना बाट आवेदन प्राप्त भएकोमा ५,९२१ जना आवेदकहरुबाट ८४,४५० कित्ता रितपुर्वक नदेखिएकोले सो आवेदनहरुलाई अयोग्य ठह-याई रद्द गरी कूल १४,०७,२३७ जना आवेदकहरुबाट १,५५,२२,३७० कित्ताका लागि रितपूर्वक दरखास्त प्राप्त भएकोमा, धितोपत्र निष्काशन तथा बाँडफाँड निर्देशिका, २०७४ मा भएको व्यवस्था बमोजिम सर्वप्रथम रितपूर्वक आवेदन दिनुहुने सम्पुर्ण आवेदकहरुलाई न्यूनतम १० कित्ता धितोपत्र बाँडफाँड गर्न नपुग्ने हुँदा मागगर्ने सम्पुर्ण आवेदकहरुलाई एउटै समूहमा राखी गोलाप्रथा विधिद्धारा १० कित्ताका दरले ९,००,००० जना सफल आवेदक छनोट गरी ९,०००,००० कित्ता बाँडफाँड गरिएको छ ।